Berkarar döwletimiziň täze eýýamynyň Galkynyşy döwründe “Garaşsyz, baky Bitarap Türkmenistan – bedew batly at-myradyň mekany” ýylynda hormatly Prezidentimiziň parasatly, öňdengörüjilikli syýasaty netijesinde raýatlarymyzyň sagdyn durmuşy, abadan ýaşaýşy barada uly alada edilýär. Sagdyn durmuş ýörelgelerine eýermek ýaşaýjylarymyzyň arasynda indi asylly däbe öwrüldi. Birnäçe ýyllardan bäri tutuş ýurdumyz boýunça “Ýol hereketiniň howpsuzlygy – ömrümiziň rahatlygy” atly şygar astynda geçirilýän çäräniň köpçülikleýin häsiýete eýe bolýandygy aýratyn guwandyrýar. Biraýlygyň geçýän döwründe meýilnamada göz öňünde tutulan çäreler mekdebe çenli ýaşly çagalar edaralarynda, mekdeplerde, awtoulag, önümçilik kärhanalarynda, şäherdir oba ýaşaýjylarynyň arasynda yzygiderli gurulýar. Öňki ýyllaryň tejribesiniň görkezişi ýaly, polisiýanyň ýol gözegçiligi gullugynyň işgärleriniň, il sylagly ýaşulularynyň, lukmanlaryň we jemgyýetçilik guramalarynyň wekilleriniň gatnaşmaklarynda geçirilýän wagyz-nesihat çäreleriniň raýatlaryň ýol hereketiniň howpsuzlygy boýunça düzgünleri, belgileri, sürüjileriň we pyýadalaryň arasynda sazlaşygy ýola goýmak, gatnawly ýollarda özüňi alyp barmagyň medeniýeti hakyndaky düşünjelerini artdyrmakda netijeli bolandygyny bellemek gerek. Bu ählihalk çäräniň dowamynda ýol hereketine gatnaşyjylaryň hemmesi – sürüjiler, pyýadalar birek-birege hormat goýmagyň belent nusgasyny görkezip gatnawly ýollarda ýol hereketleriniň düzgünlerini doly we dürs berjaý etmekleri biraýlykda göz öňünde tutulan çäreleriň talabalaýyk ýerine ýetirilmeginde möhüm ähmiýete eýe bolar. Sentýabr aýynyň 1-den badalga alan “Ýol hereketiniň howpsuzlygy – ömrümiziň rahatlygy” atly şygar astyndaky biraýlyga işjeň gatnaşmak her birimiziň borjumyzdyr.
Berkarar döwletimizi mundan beläkde gülledip ösdürmekde tutanýerli aladalary edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun! Türkmen halkyny eşretli durmuşda ýaşatmak üçin alyp barýan beýik işleri hemişe rowaç alsyn!
Muhammetkuly Çarwaýew
Türkmenistanyň Kärdeşler arkalaşyklarynyň
Akdepe etrap birleşmesiniň esasy hünärmeni
