YNSANPERWERLIGIŇ MASLAHATY

   19-njy sentýabr­da paý­tag­ty­myz­da Türkmenistanyň Jemgyýetçilik Guramalarynyň merkezinde Dün­ýä türkmen­le­ri­niň yn­san­per­wer bir­le­şi­giniň XXVII mas­la­ha­ty ge­çi­ril­di. Taryha ser salanymyzda 1991-nji ýy­lyň 18-­nji ma­ýyn­da dün­ýä­niň 10 döwle­tin­de ýa­şa­ýan türk­men do­gan­la­ry­myz il­kin­ji ge­zek öz­le­ri­niň ta­ry­hy ata Wa­ta­ny Türk­me­nis­tan­da bir sup­ra­nyň da­şy­na jem­le­nip, Dün­ýä türkmenleriniň yn­san­per­wer bir­le­şi­gi­niň bi­rin­ji mas­la­ha­ty­ny ge­çir­ýär­ler. Neti­je­de, şol gün Dün­ýä türk­men­le­ri­niň ynsan­per­wer bir­le­şi­gi dö­re­dil­ýär we onuň Düz­gün­na­ma­sy ka­bul edil­ýär.

   Hä­zir­ki wagt­da da­şa­ry ýurt­la­ryň 14­-sin­de Dün­ýä türk­men­le­ri­niň ynsanperwer bir­le­şi­gi­niň 27 bö­lü­mi he­re­ket ed­ýär. Olar bi­len iş­jeň, yk­dy­sa­dy hem-­de yn­san­per­wer gat­na­şyk­lar berk sak­lan­ýar. Bir­le­şi­giň da­şa­ry ýurt­ly  şahsy ag­za­la­ry yn­san­per­wer ugur­lar­da iş­le­ri alyp bar­ýar­lar. Bu bö­lüm­le­riň ag­za­la­ry ýur­du­myz­da al­nyp ba­ryl­ýan ägirt uly öz­gert­me­le­ri, türk­me­niň mil­li me­de­ni­ýe­ti­ni we däp-­des­sur­la­ry­ny öz ýa­şa­ýan ýer­le­rin­de wa­gyz ed­ýär­ler. Ata­ba­ba­la­ry­nyň şöh­rat­ly ýol­la­ry­ny öw­re­nip, ola­ry dün­ýä ýaý­ýar­lar. Galyberse­-de, me­de­ni ­dur­muş mak­sat­ly des­ga­la­ryň gu­rul­ma­gy­na ýa­kyn­dan gol­daw ber­mek bi­len olar ba­bat­da al­nyp ba­ryl­ýan sy­ýa­sa­ta yg­rar­ly­dy­gy­ny aýan ed­ýär. Mu­nuň özi Ga­raş­syz, Bi­ta­rap Türk­me­nis­ta­nyň da­şa­ry syýasatynyň hem esasy ugur­la­ry­nyň bi­ri bo­lup dur­ýar. Şu nuk­daý­na­zar­dan, döw­le­ti­miz türkmen­le­riň kow­çum bo­lup ýa­şa­ýan ýurt­la­ry bo­lan Rus­si­ýa Fede­ra­si­ýa­sy, Be­ýik Bri­ta­ni­ýa, Ger­ma­ni­ýa Fe­de­ra­tiw Res­pub­li­ka­sy, Şweýsari­ýa Konfedera­si­ýa­sy, Uk­rai­na, Tür­ki­ýe Res­pub­li­ka­sy, Öz­be­gis­tan Res­pub­li­ka­sy, Ga­za­gys­tan Res­pub­li­ka­sy, Gyr­gyz Res­pub­li­ka­sy, Tä­ji­gis­tan Res­ pub­li­ka­sy, Ow­ga­nys­tan, Pa­kis­tan Ys­lam Res­pub­li­ka­sy, Bir­le­şen Arap Emirlik­le­ri, Sa­ud Ara­bys­ta­ny Pa­ty­şa­ly­gy we beý­le­ki ýurt­lar bi­len öza­ra bähbit­li gat­na­şyk­la­ry ös­dür­mä­ge aý­ra­tyn äh­mi­ýet ber­ýär. Ne­ti­je­de da­şa­ry ýurt­ly wa­tan­daş­la­ry­myz bi­len ylym, bi­lim, me­de­ni­ýet, sun­gat, sag­ly­gy go­ra­ýyş, sy­ýa­hat­çy­lyk, sport, te­le­ke­çi­lik ýa­ly ugur­lar­da­ky gatnaşyk­la­ryň ýyl ­ýyl­dan iş­jeň­leş­di­ril­ýän­di­gi­ne üs­tün­lik­li ge­çen mas­la­ha­tyň my­sa­lyn­da hem göz ýe­tir­mek müm­kin. Ýur­du­my­zyň şan­ly to­ýu­nyň şat­lyk­ şow­hu­ny­nyň be­len­de gö­te­ril­ýän günlerin­de ge­çi­ri­len bu mas­la­hat ta­ry­hy äh­mi­ýet­li­li­gi bi­len ta­pa­wut­lan­dy. Mundan başga-da mas­la­ha­ta ýaş nes­liň we­kil­le­riniň gat­naş­mak­la­ry, şeý­le hem ýaş­la­ry wa­tan­çy­ly­gyň we yn­san­per­wer­li­giň be­lent ru­hun­da terbiýelemek üçin döredil­ýän giň müm­kin­çi­lik­ler ha­kyn­da aý­ra­tyn gür­rüň edil­me­gi hor­mat­ly Pre­zi­den­ti­mi­ziň ýaş­lar ba­ra­da­ky ala­da­sy­nyň su­but­na­ma­sydyr.
    Bil­şi­miz ýa­ly, ýur­du­myz­da ylym­ly ­bi­lim­li, giň dün­ýä­ga­ra­ýyş­ly sag­dyn nes­li ter­bi­ýe­le­mä­ge örän uly äh­mi­ýet be­ril­ýär. Ýaş ne­sil­le­riň ýo­ka­ry de­re­je­de bilim al­mak­la­ry, saý­lan hü­när­le­ri­niň eýe­le­ri bol­mak­la­ry, wa­tan­çy­ly­gyň hem-de yn­san­per­wer­li­giň be­lent ru­hun­da ter­bi­ýe­len­mek­le­ri üçin giň mümkinçilikler dö­re­dil­ýär.

   Ar­ka­dag­ly Gahryman Ser­da­ry­my­zyň: «Dün­ýä türk­men­le­ri bi­len dost­luk­ly gatnaşyklary­my­zy has­da giňeltmek biziň alyp bar­ýan döw­let sy­ýa­sa­ty­my­zyň ile­ri tu­tul­ýan ugurlarynyň bi­ri­dir» diý­en ajaýyp pikirlerinden ugur alnyp geçirilen Dün­ýä türk­men­le­ri­niň yn­san­per­wer bir­le­şi­gi­niň XXVII maslahatynda   Dün­ýä türkmenle­ri­niň ynsanper­wer bir­le­şi­gi­niň kä­bir agzalary­na  Hormat hatlarynyň gow­şu­ryl­ma­gy hal­ky­myz­da däp bo­lup gel­ýän ynsanper­wer­lik ýörelge­le­ri­niň do­wa­mat tap­ýan­dy­gy­ny ýe­ne bir ge­zek şöhlelen­dir­di.

    Dün­ýä türk­men­le­ri­ni ata Wa­tan­da bir sup­ra­nyň başyna jem­län Gah­ry­man Ar­ka­da­gy­my­zyň, pe­der ýo­lu­ny my­na­syp do­wam et­di­rýän Arkadagly Gahryman Serdarymyzyň jan­la­ry sag, ömür­le­ri uzak bo­lup, il­ ýurt bäh­bit­li tutum­ly işleri elmydama rowaçlyklara beslensin.

Gülnara Ýoldaşowa

Daşogtelekom elektrik aragatnaşyk kärhanasynyň

KA-nyň ilkinji guramasynyň başlygy