Arkadagly Gahryman Serdarymyz özüniň ýiti döredijilik galamyndan çykan “Türkmeniň buýsanjy” atly ajaýyp goşgusynda türkmeniň uçar ganaty hasaplanýan türkmen bedewiniň, eýýamlaryň mirasyna öwrülen nepis halylarymyzyň hem-de türkmeniň hemişelik hemrasyna öwrülen wepaly alabaýlarymyzyň biziň durmuşymyzdaky ornuna aýratyn baha berýär. Hakykatdan-da bu gymmatlyklar biziň halkymyzyň ömür ýoly bilen ömürdeş we durmuş ýoly bilen aýrylmaz bagly bolan bakylykdyr. Bu gün milli gymmatlyk hasaplanyp ÝUNESKO-nyň Adamzadyň maddy däl medeni mirasynyň sanawyna girizilen halyçylyk sungatymyz Berkarar döwletiň täze eýýamynyň Galkynyşy döwrüniň bezegine öwrüldi. Türkmen sährasynyň ajap lälesini ýada salýan bu ajaýyp halylar ene-mamalarymyzyň on barmagyndan dökülýän dür dänesidir. Eli çeper zenanlarymyzyň arzuwyndan kemala gelen nepis halylarymyz güller açan sähralara çalym edýär. Hut şonuň üçin-de Arkadagly Gahryman Serdarymyz ýokarda ady agzalan ajaýyp goşgusyndaky:
Niçik gudrat eneleriň yhlasy,
Göýä güller açan köňül sährasy,
Nepis haly- eýýamlaryň mirasy,
Şanly ömür beýanydyr türkmeniň
diýen setirlerinde nepis halylarymyzyň gaýtalanmajak gudratdygyny belläp geçýär. Hakykatdan-da biziň el halylarymyz özüniň nepisligi we gaýtalanmajak derejedäki gözelligi bilen görenleri haýrana goýýar. Haly- gadymy halkymyzyň eýýamlaryň dowamyndaky geçen şanly taryhy ýolunyň, bagtyýar şu gününiň hem-de ýagty geljegi baradaky ajap arzuwlarynyň çitimlere geçirilen beýanydyr.
Goý, taryhymyzy we medeni mirasymyzy giňden öwrenmek üçin ajaýyp mümkinçilkleriň döredilen mekany bolan Garaşsyz, baky Bitarap Watanymyzyň ösüşleri öňküden-de belende galsyn! Şu ajaýyp döwürde ýaşamaga, işlemäge we döretmäge ajaýyp şertleri döredip berýän Gahryman Arkadagymyza, Arkadagly Gahryman Serdarymyza alkyş sözlerimizi aýdýarys!
Aýlar Çaňlyýewa
Ylym we bilim işgärleriniň KA-nyň
Akdepe etrap geňeşiniň buhgalteri
