Döwletli işleri halka geňeşmek ata-babalarymyzdan gelýän ýol ýörelgedir. “Geňeşli biçilen don gysga bolmaz“ diýlişi ýaly, halkymyz islendik bir döwletli işiň başyny başlanda il-halk bilen geňeş edip, onda öňde goýylan maksatlary ara alyp maslahatlaşypdyrlar. Gahryman Arkadagymyzyň , Arkadagly Gahryman Serdarymyzyň taýsyz tagallasy bilen Halk Maslahaty ýurdumyzyň jemgyýetçilik –syýasy durmuşyna mynasyp goşulyp, täze döwrüň jemgyýetçilik gatnaşyklarynyň ata-babalarymyzdan miras galan däp dessurlar esasynda alynyp barylandygynyň, agzybir we jebis halkymyzyň öz belent gymmatlyklaryna üýtgewsiz ygrarlydygynyň aýdyň beýanyna öwrüldi. Halk Maslahaty Gahryman Arkadagymyzyň alyp barýan “Döwlet adam üçindir!” diýen baş ýörelgesine salgylanýan döwlet syýasatynyň yzygiderli durmuşa geçirilmeginiň miwesidir. “Garaşsyz, baky Bitarap Türkmenistan – bedew batly at-myradyň mekany” ýylynyň 23-nji sentýabrynda guramaçylykly geçirilen Türkmenistanyň Halk Maslahatynyň Mejlisi Halk häkimiýetiniň esasy wakalarynyň biri bolup durýan ählihalk maslahatynyň jemgyýetçilik ösüşiniň täze tapgyrynda mazmunynyň özgerdilmegi bilen jemgyýetimiziň , döwletimiziň we raýatlarymyzyň utgaşýan bähbitlerini dolulygyna kanagatlandyrjakdygyny aýan etdi “Türkmenistanyň Halk Maslahaty hakynda” Türkmenistanyň Konstitusion kanunyda kesgitlenişi ýaly Halk Maslahaty Halk häkimiýetleriniň ýokary wekilçilikli edarasydyr. Halk maslahaty raýat jemgyýetiniň hem esasy ulgamy bolup durýar.
Raýar jemgyýetiniň kämilleşmeginde möhüm wezipäni ýerine ýetirýän Türkmenistanyň Halk Maslahaty Berkarar döwletiň täze eýýamynyň Galkynyşly döwründe Döwlet bilen halkyň jebisligini, jemgyýetde maksatnamalaryň birleşigini ösüş ýollaryna bolan garaýyşlaryň bitewiligini hakykat ýüzünde ýene-de bir gezek aýan etdi. Halkymyz Halk Maslahatynyň jemgyýeti bitewileşdirmekdäki aýratyn ornuna Gahryman Arkadagymyzyň bu maslahatda orta atan döwlet ähmiýetli başlangyçlary arkaly has aýdyň göz ýetirmäge mümkinçilik aldy. Şol başlangyçlar giň derwaýys ösüş wezipelri bilen baglanşyklydyr. Olar ýurdumyzy hemmetaraplaýyn ösdürmäge, jemgyýetçilik-syýasy durmuşynyň özgerdilmegine, Türkmenistanyň Halkara abraýynyň mundan beýläk-de ýokarlandyrmagyna uly mümkinçilik bolar. Türkmenistanyň Konstitusiýasyna laýyklykda, umumylykda ykrar edilen demokratik ýörelgeleriň esasynda halkymyzyň baý taryhy durmuşyna esaslanyp, mukaddes Garaşsyzlygymyzyň 35 ýyllyk şanly toýunyň öňisyrasynda, Aşgabat şäherindäki Maslahatlar köşgünde ýokary derejede geçirilen Türkmenistanyň Halk Maslahatynyň taryhy Mejlisi döwürleriň we nesilleriň arabaglanşygynyň üznüksizdiginiň beýanyna öwrüldi. Şeýle hem belent üstünliklere beslenen Halk Maslahatynyň Mejlisinde ýurdumyzyň içeri we daşary syýasatyny, ykdysady, durmuş, saglyk, medeni ýagdaýyny mundan beýläkde ösdürmek babatda öňe sürmek teklipler goldanylyp gelinen netijeler, kabul edilen kararlar mähriban ýurdumyzyň mundan beýläk-de gülläp ösmegine itergi berer. Türkmenistanyň Halk Maslahatynyň kabul eden möhüm çözgütleriň, hem kararlaryň ýerine ýetirilmegine saldamly goşant goşmak her birimiziň mukaddes borjumyzdyr.
Halkymyzy Arkadagyň “Ak ýoly “ bilen rowaçlyk menzilleri bilen ynamly öňe alyp barýan , halkymyzyň sagdyn durmuşda ýaşamagy üçin bimöçber tagalla edýän Gahryman Arkadagymyzyň, Arkadagly Gahryman Serdarymyzyň jany sag, tutumly işleri rowaçlyklara beslensin.
Maral DÖWLETOWA
Hyzmat ulgamy işgärleriniň KA-nyň
Daşoguz şäher Geňeşiniň buhgalteri
