Golaýda, Görogly etrap elektrik aragatnaşyk bölüminde Görogly etrap kazyýetiniň, il ýaşulylarynyň, mährem eneleriň, iri jemgyýetçilik guramalarynyň wekilleriniň gatnaşmagynda sagdyn durmuş ýörelgelerini ündemek, nika bozulmalarynyň öňüni almak, maşgala mukaddesligini we ýol-ýörelgelerini wagyz etmek boýunça “Maşgalam - baş galam” atly wagyz-nesihat çäresi geçirildi.
Bu wagyz-nesihat maslahaty örän täsirli boldy, onda türkmen halkynyň maşgala ruhy - ahlak gymmatlyklaryny gorap saklamakda, nesillerini milli ruhda terbiýelemek baradaky aýratyn üns bilen seredilýändigi şele-de özboluşlylygy bilen, tapawutlanýan milli ýol- ýörelgämizi durmuşa doly ornaşdyrmak bilen, ýaşlaryň kalbyna, aňyna milliligimizi, milli ýörelgämizi, durkumyzy siňdirip, ogul-gyzlaryna halkymyzyň gadymdan gelýän ruhy däplerinde terbiýe bermek mukaddes borçdygyny we şu borç hem olaryň maşgaladaky hem-de jemgyýetdäki orunlaryny kesgitleýär diýip rowaýatlaryň, tymsallaryň, nakyllaryň üsti bilen giňişleýin düşündirdiler.
Maslahatyň dowamynda hormatly Prezidentimiziň taýsyz tagallary netijesinde, halkymyzyň asuda we parahat durmuşda ýaşaýandygyny, ýurdumyzda amala aşyrylýan ynsanperwer içeri we parahatçylyk söýüjikli daşary syýasatynyň netijesinde ata Watanymyzyň abraýynyň has-da artýandygyny buýsanç bilen bellediler we öz halkyna bol-elin durmuşy peşgeş beren okamaga, işlemäge, medeniýetli dynç almaga giň mümkinçilikleri döredýän Arkadagly Gahryman Serdarymyzyň adyna alkyş sözlerini aýtdylar.
Aýnabat Saparowa
TKA-nyň Görogly etrap
birleşmesiniň esasy hünärmeni
