HALK HÄKIMIÝETINIŇ ÝÖRELGELERI DABARALANDYRYLÝAR

   Bu gün asylly däbe görä her ýyl Garaşsyzlyk baýramynyň öňüsyrasynda Türkmenistanyň Halk Maslahatynyň mejlisi geçirilip, onda ýerine ýetirilen işleriň, gazanylan üstünlikleriň jemi jemlenýär, ýurdumyzy mundan beýläk-de hemmetaraplaýyn ösdürmegiň esasy meseleleri ara alnyp maslahatlaşylýar. Türkmenistanyň Halk Maslahaty ynha şu gün paýtagtymyzdaky Maslahat köşgünde geçirilýär. Munuň özi döwletimiziň we jemgyýetimiziň durmuşynda möhüm wakadyr. Ýur­du­myz­da ýaý­baň­lan­dy­ry­lan giň ge­rim­li özgert­me­le­riň, uly möç­ber­li işleriň baş mak­sa­dy Wa­ta­ny­my­zy ös­dür­mek­den hem-de hal­ky­myzyň aba­dan, bagtly durmuşy­ny üpjün et­mek­den yba­rat­dyr. Dur­muş-yk­dy­sa­dy we de­mok­ra­tik öz­gert­me­ler ýo­ly bi­len ynam­ly öňe git­mek­de, jem­gy­ýet­çi­lik-sy­ýa­sy, me­de­ni-ynsan­per­wer we kanun­çy­lyk-hu­kuk ul­gam­la­ryn­da tä­ze sep­gitle­re ýet­mek­de Halk Mas­la­ha­ty­na uly orun degiş­li­dir. Ol Türkmenis­ta­nyň Kons­ti­tu­si­ýa­sy­na, “Türkmenis­ta­nyň Halk Mas­la­ha­ty hakyn­da” Konstitusion ka­nu­ny­na la­ýyk­lyk­da here­ket edýän we hal­kyň bäh­bit­le­ri­ni gora­ýan ýo­ka­ry we­kilçi­lik­li eda­ra­dyr. Halk Mas­la­ha­ty­nyň işi şu ýö­relge­le­re demokratiýa; aýan­ly­ga; ada­lat­ly­ly­ga; ka­nu­nyň hök­mü­ro­wan­ly­gy­na; hal­ka­ra hu­ku­gyň umu­my yk­rar edi­len ka­da­la­ry­ny ile­ri tutmaga; ada­myň we ra­ýa­tyň ka­nu­nyň öňün­dä­ki deň­li­gini üp­jün et­mä­ge; ada­myň hu­kuk­la­ry­na we azatlyk­la­ry­na hor­mat goý­ma­ga; çözgüt­le­ri er­kin ara alyp maslahat­laş­ma­ga we ka­bul et­mä­ge; jemgy­ýet­çi­lik pi­ki­ri­ni naza­ra al­ma­ga esaslanýar. Türk­me­nis­ta­nyň Halk Mas­la­ha­ty döw­let esas­la­ry­nyň, onuň ga­dy­my demok­ra­tik ýö­rel­gele­ri­niň, halk hä­ki­mi­ýe­ti­niň kö­pa­syr­lyk däp­le­ri­niň mizemezdigini tas­syk­la­ýar. Şeý­le hem Esa­sy Ka­nu­ny­my­zyň düz­gün­le­ri­ni sak­lap galmak bilen, dö­re­di­ji­lik­li ös­dü­ril­ýän eda­ra bo­lup dur­ýar. Halk Mas­la­ha­ty ýurdumyz­da bo­lup geç­ýän özgert­me­le­ri, dur­mu­şyň äh­li ugur­la­ry­nyň ös­me­gini naza­ra al­ýar we öz işi­ni bar­ha kä­mil­leş­dir­ýär.

   Türk­me­nis­tanyň Ga­raş­syz­lyk gü­nü­niň öň ýa­nyn­da Aş­ga­bat­da ge­çi­ril­jek umumymil­li fo­rum hal­ky­my­zyň asyr­la­ryň do­wa­myn­da eme­le ge­len de­mok­ra­tik gymmatlyk­la­ra yg­rar­ly­dy­gy­ny ýe­ne bir ge­zek äşgär eder. Türk­me­nis­tan parahatçylyk, bi­rek-bi­re­ge hor­mat goý­mak, öza­ra dü­şü­niş­mek ýö­rel­ge­le­ri­ne esaslan­ýan oňyn syýasaty ýö­ret­mek hem-de dö­re­di­jilik­li baş­lan­gyç­la­ry öňe sür­mek bi­len, dün­ýä­de öz ra­ýat­la­ry­nyň aba­dan­çy­ly­gy­ny we dur­nuk­ly ösü­şi­ni üp­jün ed­ýän, gel­je­ge ynam­ly barýan ýurt hök­münde giň­den ta­nal­ýar. Şun­da, Mil­li Li­de­ri­mi­ziň aý­dyşy ýa­ly, Halk Mas­la­ha­ty bi­le­lik­dä­ki ne­ti­je­li iş­le­ri do­wam et­di­rip, Wa­ta­ny­my­zy mun­dan beý­läk-de hem­me­ta­rap­la­ýyn ös­dür­mek bo­ýun­ça ze­rur iş­le­ri alyp barmalydyr diýip belleýär.

    Goý,­ hal­ky­my­zy­ bir­ sup­ra­nyň­ ba­şyna­ jem­läp,­ gel­je­giň­ aý­dyň­ şug­la­la­ry­na alyp barýan Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak bol­sun! Ýur­du­my­zyň nu­ra­na baý­ra­my bo­lan mu­kad­des Garaşsyzlygymyzyň 35 ýyllyk toýy gutly ­mübärek bol­sun!

Şirinjemal OTUZOWA

TKA-nyň Gubadag etrap

birleşmesiniň kätibi