HALK BÄHBITLI MASLAHAT - HALKYŇ BUÝSANJY

    Düýn Daşoguz welaýat häkimliginde ýurdumyzyň garaşsyzlygynyň şanly 35 ýyllygy hem-de Türkmenistanyň Halk Maslahatynyň mejlisiniň taryhy-syýasy ähmiýetini wagyz-nesihat etmek boýunça geçiriljek “Türkmenistanyň Halk Maslahatynyň taryhy çögütleri – beýik ösüşlerimiziň aýdyň maksatlary” atly maslahat geçirildi. Oňa il sylagly ýaşulylar, mährem eneler, Türkmenistanyň Mejlisiniň deputatlary, Daşoguz welaýat, şäher, etrap Halk Maslahatynyň başlyklary, welaýat, şäher we etrap jemgyýetçilik guramalarynyň ýolbaşçylary, zähmetde tapawutlanan orden-medallylar, bilim, saglygy goraýyş, sport, medeniýet edaralarynyň işgärleri gatnaşdylar. Maslahatda çykyş edenler Halk Maslahatynda kabul edilen çözgütler dogrysynda giňişleýin belläp geçdiler.

    Berkarar dӧwletiň täze eýýamynyň Galkynyşy döwründe  Arkadagly Gahryman Serdarymyz mähriban ýurdumyzyň at-abraýyny, şan-şӧhratyny dünýä ýaýmak, bu bereketli hem mukaddes toprakda ýaşaýan, işleýän, dӧredýän her bir ynsanyň mertebesini beýgeltmek babatynda deňsiz-taýsyz ӧzgertmeleri, täzelenişi, beýik başlangyçlary yglan edip, olary amala aşyrmagyň ajaýyp nusgasyny gӧrkezýär. Şonuň netijesinde dӧwletimiziň ykdysady kuwwaty barha artýar, halkymyzyň medeniýeti, jemgyýetçilik gatnaşyklary täze mizemez derejelere gӧterilýär, halkymyzyň ýaşaýyş-durmuş derejesini ýokarlandyrmak bolsa, dӧwlet syýasatynyň iň mӧhüm ugurlaryna ӧwrülýär. Munuň ӧzi Gahryman Arkadagymyzyň "Dӧwlet adam üçindir!" diýen taglymatynyň doly durmuşa geçirilýändigini, halk hojalygynyň ähli ugurlarynda gazanylýan netijeleriň il-günüň bähbidine gӧnükdirilýändigini aýdyň gӧrkezýär.

   Döw­let äh­mi­ýet­li me­se­le­le­ri çöz­mä­ge, ýur­du­myz­da dur­mu­şa ge­çi­ril­ýän öz­gert­me­le­riň we dur­muş-yk­dy­sa­dy mak­sat­na­ma­la­ryň dur­mu­şa geçirilmegine halk köp­çü­li­gi­ni giň­den çek­mek, tek­lip­le­ri iş­läp taý­ýar­la­mak, mas­la­hat­la­ry ber­mek, hal­ky­my­zyň ag­zy­bir­li­gi­ni, bi­te­wü­li­gi­ni, je­bis­li­gi­ni, asu­da­ly­gy­ny, aba­dan­çy­ly­gy­ny ber­kit­mä­ge hem-de Ga­raş­syz, he­mi­şe­lik Bitarap döw­le­ti­mi­ziň tä­ze dö­wür­de be­ýik öz­ge­riş­ler ýo­ly bi­len dep­gin­li ösmegi­ne, has-da kuw­wat­lan­ma­gy­na ýar­dam ber­mek, hyz­mat et­mek we­zi­pe­le­rini özünde jemleýän Türkme­nis­ta­nyň Halk Mas­la­ha­ty­nyň Mejlisinde seredilen meseleler hem-de ýurdumyzyň geljegi üçin indi edilmeli işler dogrusynda ýurdumyzyň ýaşulylary bilen maslahatlaşyp, geňeşip etmek indi ýurdyumyzda asylly däbe öwrüldi.

    Türkmenistanyň halk maslahatynyň by nobatdaky mejlisinde möhüm resminamalar işlenip taýýarlandy we tassyklandy. Olardan “Halkara hukugy we Türkmenistanyň Bitaraplygy” atly milli konsepsiýa, “Türkmenistanda adam huhuklary boýunça 2026-2030-njy ýyllar üçin Hereketleriň milli meýilnamasy” tassyklanyldy, “Türkmenistanda Ahalteke bedewleriniň Döwlet goragy hakynda” Türkmenistanyň kanuny, Türkmenistanda ýaşlar barada Döwlet syýasatynyň 2031-nji ýyla çenli Döwlet maksatnamasy hem-de ony amala aşyrmak boýunça çäreleriň meýilnamasy, “Türkmenistany senagat taýdan ösdürmegiň 2030-2045-nji ýyllar üçin Milli strategiýasy”. Gol çekilen resminamalar degişli ministirliklere pudaklaýyn dolandyryş edaralaryna we ýerli häkimliklere göz öňünde tutulan çäreleriň durmuşa geçirilmegini üpjün etmek tabşyryldy.   

    Gadymdan gelýän demokratik ýolumyza we ynsanperwer taglymatymyza laýyklykda, döwletimizi ösdürmegiň ileri tutulýan ugurlarynyň özara baglanyşygyny üpjün edip, jemgyýetçilik-syýasy, kanunçylyk-hukuk taýdan ähli mümkinçilikler döredildi. Bu mümkinçilikler Berkarar döwletiň täze eýýamynyň Galkynyşy döwrüniň barha ösýän talaplaryna laýyk gelýär. Ýur­dumyzyň döwlet we jemgyýetçilik gurluşynyň örän oýlanyşykly hem-de sazlaşykly dolandyrylmagyna, giň gerimli özgertmelerimiziň işjeňleşmegine ýardam edýär.   Hormatly Prezidentimiz Serdar Berdimuhamedowyň döwlet dolandyryş ulgamyny institusional we hukuk taýdan kämilleşdirmek babatda öňe sürýän başlangyçlary bolsa ösüşiñ täze tapgyryna ynamly gadam basmaga mümkinçilik berýär. Bularyň ählisi halkymyzy beýik işlere galkyndyrýar.

  Geçen 35 ýylda  ýurdumyzda döwletimiz tarapyndan amala aşyrylan işleriň netijesinde halk bilen häkimiýetiň döwlet bi­len raýatyň arasynda örän mäkäm we synmaz gatnaşyklary-milli bähbitlerimiziň bitewüligi üpjün edildi. Bu bolsa Garaşsyz Türkmenis­tanyñ ösüş nusgasynyň düýpli aýratynlygydyr diýip, Gahryman Arkadagymyz  belläp geçýar. Ýurdumyzyň durmuşyny demokratiýalaşdyrmak, raýat jemgyýetiniň edaralaryny ke­mala getirmek we olaryň üstünlikli işlemegini ýola goýmak işleri netijeli amala aşyrylýar.  

 Türkmenistanyň Halk Maslahatynyň bu nobatdaky Mejlisinde Arkadagly Gahryman Serdarymyzyň halkymyzyň ýaşaýyş durmuş derejesini hasda gowlandyrmakdaky, ýurdumyzyň mundan beýläkde ösdürilmegi dogrusyndaky buýsançly taryhy çykyşy umumy milli formuň esasy maksadyny düzdi.

  Milli maksatnama esasynda  ýaşaýyş-durmuş pudaklarynyň we inženerçilik üpjünçilik ulgamlarynyň ýagny hassahanalary, saglyk öýlerini we merkezlerini, mekdebe çenli çagalar hem-de umumy bilim edaralaryny, medeniýet öý­lerini, sport mekdeplerini we desgalaryny, suw, lagym, gaz, elektrik geçirijilerini we desgalaryny, awtomobil ýollaryny, aragatnaşyk ulgamyny, ýaşaýyş jaý hojalygyny öz içine alýan gurluşyklar dowam etdirilýär.  Pudakda geçirilýän düýpli özgertmeler ýokary hilli dürli oba hojalyk önümleriniň möçberini we eksportyny artdyrmaga, azyk bolçulygyny üpjün etmäge gönükdirilendir. Pudagy has ýo­kary sepgitlere çykarmak üçin welaýatlaryň toprak-howa şertlerine laýyk gelýän, ylmy taýdan esaslandyrylan usullar ulanylýar. Ýerleriň melioratiw ýagdaýyny gowulandyrmak, önüm öndürijileri höweslendirmek boýunça anyk işler geçirilýär.

 Umuman, bu gazanylan üstünlikler Gahryman Arkadagymyzyň “Döwlet adam üçindir!” diýen baş ýörelgesiniň durmuşa geçirilmegi netijesinde mümkin bolup, şol ýörelge Arkadagly Gahryman Serdarymyz tarapyndan “Watan diňe halky bilen Watandyr, Döwlet diňe halky bilen Döwletdir” diýen ajaýyň şygar astynda mynasyp dowam etdirilýär. Türkmen halkynyň Milli Lideri Gahryman Arkadagymyzyň iň uly döredijiligiň öz-özüňi döredip bilmekdigi, iň uly açyşyň öz zehiniňi, ukyp-başarnygyňy açyp bilmekdigi, iň uly tapyndynyň bolsa durmuşdan öz ornuňy tapyp bilmekdigi barada aýdan sözleri ünsi çekdi. Bu gün türkmen ýaşlary durmuşda öz ornuny tapýarlar. Sahawatly türkmen topragynda yhlasly, halal, päk zähmet çekip, ýurdumyzyň azyk bolçulygyny üpjün etmäge ýardam edýärler.

 Taryh üçin uzak bolmadyk döwürde biz döwleti dolandyrmagyň ygtybarly, demokratiýa we hukuga esaslanýan nusgasyny döredip, jemgyýetimiziň her bir wekiliniň erk-islegini beýan etmeginiň netijeli ulgamyny kemala getirdik diýip, türkmen halkynyň Milli Lideri Türkmenistanyň halk Maslahatynyň Başlygy Gahryman Arkadagymyz belleýär.

  Gahryman Arkadagymyz Gurbanguly Berdimuhamedowyň “Medeniýet halkyň kalbydyr!” diýen parasatly sözleri biziň üçin nusgalyk ýörelgedir, durmuş şygarydyr   watansöýüjilik taglymatynyň kämil nusgasyny döredip, halkymyzyň medeniýetini has-da ösdürmek, umumadamzat gymmatlyklaryny baýlaşdyrmak babatda berýän uly goldaw-hemaýatlary üçin Türkmen halkynyň Milli Lideri Türkmenistanyň halk Maslahatynyň Başlygy Gahryman Arkadagymyza we Arkadagly Gahryman Serdarymyza tüýs ýürekden hoşallygymyzy bildirýäris.

   Gahryman Arkadagymyzyň we hormatly Prezidentimiziň ja­ny­nyň sag, ömrü­niň uzak, ba­şy­nyň dik, döw­let äh­mi­ýet­li iş­le­ri­niň he­mi­şe ro­waç bolmagy­ny ar­zuw ed­ýä­ris.

Maýa Gurbandurdyýewa

TKA-nyň Daşoguz welaýat birleşmesiniň 

pudaklar boýunça  utgaşdyryjysy